Stufe Lollypop (Frauen): Anschlag vom 25.01.2025

Datum: 25.01.2025

Zeit: 11:00 bis ca. 16:00 (Ende Fasnachtsumzug)

Treffpunkt: Ref. Kirchgemeindehaus

Mitnehmen:
– warmi Chleider

– gueti Schueh

– E Täsche, um Flyer transportiere zchönne

– Handy mit gnueg Akku

– Wer will: Konfetti

– Wer will: Es Fasnachtskostüm

Bemerkungen:

Liebi Lollypops, die erschti Cevi im Jahr und mir machet de Fasnachtsumzug unsicher!

Bevor mir eus aber dem fasnachtliche Triibe widmet, müemer no dFlyer für de Flohmi verteile. Daher treffet mir eus bereits am 11i am Morge bim KGH, verteilet blitzschnell die Flyer, esset zeme zMittag und gönd denn gemeinsam an Fasnachtsumzug. Am Fasnachtsumzug endet au de Cevinachmittag und ihr dörfet mit eure Eltere abmache, wie ihr hei gönd.

Damit das alles riibigslos klappet, simmer uf eures zahlriiche Erscheine agwiise.

Meldet eu daher bis am Dunnschtig unter lollypop@cevi-dietikon.ch a- oder ab. Falls ihr nur uf de Namitag chönnd cho, merket das bitte i de Ameldig a, Treffpunkt wär denn am 14 Uhr bim KGH. Gänd bi de Ameldig bitte au a, öb ihr nachem Fasnachtsumzug selber hei dörfed oder öb ihr bim KGH abgholt werdet.

Mir freuet eus uf ganz vieli Ameldige und eu endlich wieder alli zgseh!

Bis am Samschtig,

Euri Leiterinne